2016年5月27日 星期五

[韓遊首爾] BTS 防彈少年團常去CAFE-2AM 李昶旻 The Min's 더 민스


作為ARMY..點可以係韓國都唔去下防彈成日去GE CAFE先~






原來依間CAFE 係2AM 李昶旻開GE~唔知係咪因為同公司...所以就咁支持呢~?

ANYWAY...THE MIN'S 真係幾靚...同幾舒服!鋪頭唔大...大概有30個坐位~


飲品好好飲...同埋有好多防彈留低GE腳毛(哈哈..應該係靚相同埋簽名)


防彈最愛飲GE飲品...我諗應該係FIVE BERRY(5,500won) 喇...因為見SUGAR, V, 柾國都有飲..


所以我都叫返杯先~好正..酸酸甜甜...好多果肉!難怪佢地咁中意~




>仲有防彈GE雜誌睇... 間唔中仲會播BTS GE歌...run run run~~





一出地鐵狎鷗亭羅德奧站 。。就會見到2PM等緊大家~



 6號出口一直行》會經過H&M》UNIQLO》見到PARIS CROISSANT後左轉/或者沿6號出口

一直行見到依個窿。。。穿過去就會見到THE MIN'S


有時間的話可以行埋K STAR ROAD~會見到好多團GE熊仔~






拍攝日期: 18/02/2016 (星期四)
地點:서울특별시 압구정로 330 1층 112호
開放時間:10:00 - 22:00
查詢電話:+82 2-512-1452
前往方法:地鐵狎鷗亭羅德奧站(K212) 6號出口

如果大家喜歡我的分享,可以FOLLOW 我 

FB:Be-come Korea •泡菜國工作假期/working holiday  

INSTAGRAM:be_side

3到地方都會KEEP住UPDATE 我在韓生活/吃 喝玩樂/美容扮靚分享喜歡可以bookmark 一下文章或推一下~ 感謝~

2016年4月15日 星期五

[韓遊美食] RUNNING MAN 九里 槌子炸醬麵

相信有唔少朋友同我一樣睇完RUNNING MAN EP249炸醬麵特輯之後,一定會想去試下。。。

但你地最想試邊個呢~?

 我自己最想試就係劉在錫個款~




好啦。。由於安排到一日去楊平個邊GE行程。。所以可以順便去埋(因為都係同一條線)

至於楊平個邊有咩玩。。咁就留返下次再講啦~

好啦~講返依間餐廳先,佢個名叫「李河리하」係中華料理。店係位於2樓!

上網見其實搭巴士都容易去到的~但因為個晚實在太凍喇!!所以同朋友搭地鐵到九里站之

後就衝去搭的士,不過的士都唔貴,大概6千WON~



上到去一入門口就見到劉在錫同店家合照同埋簽名~! 之後我地被安排到卡位坐~

個日係平日。。時間係晚上大概7點。。人不多。。大概佔1/3吧~


睇睇餐牌先,其實佢地D 小菜都幾貴。。都要2萬WON以上。。。

對於我地咁有限Ge資金。。唯有平有平啦~

我地叫左槌子炸醬麵,春卷,廣東炒飯(10,000+5,000+7,000won)



餐牌有中文同圖片的,大家可以放心~

先黎3樣小菜。。都係酸酸地。。幾開胃~

我地要食個個槌子炸醬麵叫뿌셔뿌셔 해물다장,1萬WON,十分抵食。。因為份量多,夠2個人食~

終於要出場喇~~見到個槌仔就急不及待要整碎個麵包喇。。




但千萬唔好太大力。。。哈哈。。如果唔係真係會飛到周圍都係~






好喇~終於可以食喇~麵包係脆脆的~之後個炸醬麵完全岩我口味。。因為係辣嫁~會想食完一口再

一口。。另外配料都多。。有洋蔥,章魚同蝦仁~



但如果係甜炸醬麵。。我係唔中意食的。。

(之前係香港食過係甜同埋幾膩。。完全不是我杯茶)

而春卷都唔錯~炸得好香脆!!

最後就係炒飯LA~我仲同朋友講。。係咪真係有叉燒嫁。。會唔會用腸仔/午餐肉代替~?

好彩。。無令人失望。。真係叉燒。。同埋炒得好好~好好味!! 

如果大家去九里一定要試下~相當唔錯GE 餐廳,店員都好NICE~

李河 리하 (中華料理)
電話: 031-551-6533
營業時間:11:30-22:00
地址 : 경기 구리시 수택동 875-3, 2/F
前往方法: 首爾京義中央線 K123
九里站 구리. 3號出口,過對面馬路搭巴士(5,7,2,2-1號) 於長者湖水公園장자호수공원 落車~大概20mins到...


如果大家喜歡我的分享,可以FOLLOW 我 FB:Be-come Korea •泡菜國工作假期/working holiday  

INSTAGRAM:be_side


3到地方都會KEEP住UPDATE 我在韓生活/吃喝玩樂/美容扮靚分享喜歡可以bookmark 一下文章或推一下~ 感謝~

2016年4月13日 星期三

[韓遊釜山] 鎮海/ 余佐川 / 慶和站 賞櫻1日遊


抱歉...拖左成年先打依篇文...其實去完個幾日已經好想打...因為實在太慘痛喇個經歷~

出發當日陰天...因為係窮遊..所以同朋友係首爾搭巴士去釜山~其實我地提早2日去買定

車飛...但好多都賣哂...特別係由首爾南部巴士客運站開往鎮海Ge巴士..咁無得直到..我地唯有

轉車去

首爾南部Seoul Nambu(서울남부 ) 釜山西部West Busan (부산사상) > 鎮海 Jinhae (진해)
 

8:20 開車


 

13:20 搭左5個鐘終於到釜山

釜山西部巴士客運站排隊買車飛去鎮海..大概等左30MINS 先上車..

因為實在太多人(遊客同韓國人都好多).. 上網CHECK到鎮海車程大約40-50分鐘..

但因為人多車多..好塞車..我地15:20先到...

架車沿途都會見到D綻放GE櫻花~搞到個人好期待!!
到鎮海的巴士每20分鐘一班....期間有職員不定時用韓文問有無人唔介意企位..咁就可以快DD

上車..

由於太肚餓LA..落車沿途都見到唔少小食...所以買左條粟米食...但係唔甜好伏..


一路行個天已經愈來愈黑...好似想落雨咁...咁我同朋友就決定放棄D景點...直接去慶和

站..本身係有巴士可以搭入去..(鎮海車站對面馬路坐307巴士到慶和車站 경화역)

但都係因為人多車多..聽車站D人講等左30MINS 都上唔到車...如果行過去大概1個鐘多D...
咁不如行啦... 

其實都好多人行過去...同埋都有好多人由慶和車站行返出黎..可見交通係嚴重擠塞...


其實要行一個鐘唔係大問題...最大問題係行到半路落大雨...好彩朋友有帶遮...但得一

把係唔夠用..因為真係好大雨..

咁打算係便利店到買遮/ 雨衣...omg...行左幾間都賣哂...真係好黑仔...但無計都要繼

續去..經幾經辛苦...我地終於到左慶和車站..其實係靚GE...但係落住雨...我地係完全無

心機影..相機都驚整濕..所以都係用電話影下就算...



好彩GE 事係車站旁有堆攤檔..成功購入一把雨傘...同埋睇到火車到站..我地大概留左30MINS 

就轉場...

出發去另一景點:余佐川

由鎮海車站走出來大馬路方向靠右走,到十字路口轉右,通過隧道一直向前走...
行GE 期間我地去左食餃子醫肚同埋避一避雨...

18:30 終於到左余佐川...真係好靚..同埋好多情侶放閃....如果無落雨應該可以慢慢影...



最後..因為我地要趕車搭返去釜山...所以19點就行返去鎮海車站...去到見到人頭涌涌...
大家估下我地係條街排左幾耐到先上到車呢?

**提提大家:鎮海巴士站最後一班巴士返釜山係21:30**)

無誇張...我地等左2小時..先上到車...真係人都癲...又凍又濕...

仲要驚趕唔到由釜山返首爾架車....

我同朋友一落車就跑去返首爾架車到..真係勁好彩...我地趕到...遲多1分鐘架車就開...

真係好狼狽...成身都濕哂...對鞋係入哂水...個袋都係...裝左一兜水...真係好癲..

最後搭左5個鐘車返返到首爾...

不幸中GE大幸係無病到...所以自此之後..一定要睇左天氣報告先出門...

雖然今次經歷不太愉快...但有機會都會想再去..但一定要係天氣好同埋平日去..咁應該會易D影

到靚相~

往鎮海的交通: 巴士
首爾 Seoul (서울) à 鎮海 Jinhae (진해)
首爾南部巴士客運站開往鎮海的巴士,從07:0023:00,每隔2小時一班,車程約4小時30分鐘,約26,300韓元。 火車
首爾 Seoul (서울) à 昌原 Changwon (창원) à 鎮海 Jinhae (진해)首爾站乘開往昌原的火車(08:25~18:2515班車/約需5小時30),在昌原站下車,再轉搭前往鎮海的接駁(09:30~19:5015班車 / 約需20),在鎮海站下車即可。 櫻花列車 – 首爾 Seoul (서울) à 鎮海 Jinhae(진해)櫻花列車是自首爾出發直達鎮海的櫻花列車,只有在軍港祭期間才有行駛,早上 7:10 於首爾站出發,12:40 左右抵達鎮海,車程約6小時。 釜山 Busan (부산à 鎮海 Jinhae (진해)*
釜山西部巴士客運站乘開往鎮海的巴士,從06:0022:00,每隔15-20分鐘一班,車程約需80分鐘,約5,100韓元。

拍攝日期: 4/4/2015 (星期六)

免費入場 每年4月1-10日舉行的鎮海軍港節官方網站:http://gunhang.changwon.go.kr/main/main.jsp


如果大家喜歡我的分享,可以FOLLOW 我 
FB:Be-come Korea •泡菜國工作假期/working holiday  

INSTAGRAM:be_side

3到地方都會KEEP住UPDATE 我在韓生活/吃 喝玩樂/美容扮靚分享喜歡可以bookmark 一下文章或推一下~ 感謝~

2016年1月8日 星期五

[2015 韓CAFE] 三清洞文青韓屋- Cafe LN

三清洞文青韓屋- Cafe LN



由仁寺洞行去三清洞方向都會見到好多特色GE CAFE~

今次推薦俾大家GE係韓屋CAFE-Cafe LN,主要由4道走廊組成,中空的位置有個小小的庭院,可

以算係人氣影相位。。





由傳統韓屋改建成CAFE,同時店內有賣藝術和設計品~絕對係文青愛去的

地方。可以係到同朋友慢慢影下相。。傾下計~室內亦有落地大玻璃可以欣賞到四周靚景。


年糕窩夫 W10,000/約HK$68
年糕窩夫都幾黐牙,第一次食覺得幾得意~味道都唔錯!可以一試。



飲品其實無咩特別,正常味道!

另外,叫左個抹茶紅豆冰。。都係一般~無咩驚喜。。


總括環境係正GE~感覺黎依到主要係食境多D!但都幾值得黎坐下。。哈哈~、




地址:首爾市鍾路區花洞27-1 (顯示地圖)
韓文地址:서울시 종로구 화동 27-1
電話:02-722-7597
營業時間:10am-10pm (星期日營業至9pm)
交通:地鐵3號線安國站 (328) 2號出口,步行約12分鐘

如果大家喜歡我的分享,可以FOLLOW 我 

FB:Be-come Korea •泡菜國工作假期/working holiday  

INSTAGRAM:be_side

3到地方都會KEEP住UPDATE 我在韓生活/吃 喝玩樂/美容扮靚分享喜歡可以bookmark 一下文章或推一下~ 感謝~